Bəxtiyar Hacıyev çağırışı
AXCP sədri Əli Kərimli məhbus fəal Bəxtiyar Hacıyevin elliklə müdafiəsinə çağırıb: “Müstəqil siyasətçi Bəxtiyar Hacıyevi xilas etmək üçün hamımız səfərbər olmalıyıq. Qəddar rejimin yüksək təhsilli, bacarıqlı, gənc siyasətçini təkləyib əzməsinə imkan verməməliyik. Bəxtiyar Hacıyevi əzməklə xaricdə təhsil alan gənclərə mesaj verilir ki, ölkəyə qayıtmayın, burada lazım deyilsiniz, ölkədəki soydaşlarımıza mesaj verilir ki, ictimai-siyasi fəaliyyətə qoşulmayın, görməyin, eşitməyin, anlamayın. Buna imkan verməməli, Bəxtiyar Hacıyevin və bütün siyasi məhbusların azadlığını birlikdə və uca səslə tələb etməliyik”.
Novator.az bildirir ki, 2022-ci il dekabrın 9-da Xətai Rayon Məhkəməsi Bəxtiyar Hacıyev barəsində 1 ay 20 günlük həbs qətimkan tədbiri seçib, 2023-cü il yanvarın 21-də həbs müddətini fevralın 28-dək uzadıb.
Fəal Cinayət Məcəlləsinin 221.2.2 və 289.1-ci maddələri ilə təqsirli bilinir.
221.2.2-ci maddəyə əsasən, ictimai qaydanın qorunması üzrə vəzifəni yerinə yetirən və ya ictimai qaydanın pozulmasının qarşısını alan hakimiyyət nümayəndəsinə və ya digər şəxsə müqavimət göstərməklə xuliqanlıq 2 ilədək müddətə islah işləri və ya 3 ilədək müddətə azadlığın məhdudlaşdırılması və ya 1 ildən 3 ilədək müddətə azadlıqdan məhrumetmə ilə cəzalandırılır.
289.1-ci maddəyə görə, məhkəmə baxışı iştirakçılarını təhqir etməklə məhkəməyə hörmətsizlik etmənin cəzası 500 manatdan 1000 manatadək miqdarda cərimə və ya 320 saatdan 400 saatadək ictimai işlər və ya 6 ayadək müddətə azadlıqdan məhrumetmədir.
İstintaqı aparan Bakı Şəhər Baş Polis İdarəsinin iddiasına görə, jurnalist Ülviyyə Alovlu ilə mülki münaqişədə olan Bəxtiyar Hacıyev bu iş üzrə məhkəmə proseslərinin birində dava salıb. Bəxtiyar Hacıyev ittihamları rədd edir, hakimiyyəti mütəmadi tənqid etdiyi üçün siyasi təzyiqə məruz qaldığını deyir.
Fəal dekabrın 15-dən 29-dək Bakı İstintaq Təcridxanasında azadlığa buraxılmaq tələbi ilə aclıq aksiyası keçirib, yanvarın 9-dan yenidən aclıq edir.
Bəxtiyar Hacıyevin həbsindən Bakı Apellyasiya Məhkəməsinə şikayət, eləcə də həbs qətimkan tədbirinin ev dustaqlığı ilə əvəzlənməsi, əmlak girovu ilə azadlığa buraxılması cəhdləri fayda verməyib.
Bakı Dövlət Universitetinin və ABŞ-ın Harvard Universitetinin məzunu olan 1982-ci il təvəllüdlü Bəxtiyar Hacıyev 2011-2012-ci illərdə hərbi çağırışdan yayınmaq ittihamı ilə həbsdə yatıb.
Bəxtiyar Hacıyevə hansı ittihamlar verilib?
Bəxtiyar Hacıyev prosesi təyin olunub
Bəxtiyar Hacıyev barədə qərar, onun qərarı
Bəxtiyar Hacıyev aclığı davam etdirir
Vəkil Bəxtiyar Hacıyevə baş çəkdi
Bəxtiyar Hacıyevdən köçürülmək istəyi
Məhkəmə Bəxtiyar Hacıyevi həbsdə saxladı
Bəxtiyar Hacıyev: yeni proses, Avropa Məhkəməsindən qərar
Bəxtiyar Hacıyev yenə buraxılmadı
Əli Kərimli Bəxtiyar Hacıyevə səslənib
Bəxtiyar Hacıyev aclığı dayandırdı
Bəxtiyar həbsdə qaldı, yenə aclıq qərarı verdi
