Neft Fondunun gəlir-çıxarı
2023-cü il yanvarın 1-nə Dövlət Neft Fondunun aktivləri 49 milyard 33,6 milyon ABŞ dollarına çatıb. Rəsmi hesabata görə, 2022-ci ildə fond 9 milyard 586 dollar gəlir əldə edib, 4 milyard 699 milyon dollar xərc çəkib.
Aktivlərin bazar dəyərində qısamüddətli qiymət dəyişkənliklərindən yaranan azalma 2 milyard 461,3 milyon dollar, valyuta məzənnələrinin dəyişməsindən yaranan fərqlə bağlı büdcədənkənar xərclər 878,5 milyon dollar göstərilir.
Fondun 2023-cü il büdcəsində 8 milyard 990,9 milyon manat gəlir, 11 milyard 392,3 milyon manat xərc nəzərdə tutulub.
Xərc istiqamətləri belə rəsmiləşib: 2023-cü ilin dövlət büdcəsinə köçürmə – 11 milyard 280 milyon manat; ali təhsil sisteminin beynəlxalq rəqabətliliyinin artırılması proqramı (2019-2023-cü illər) – 38,5 milyon manat; gənclərin xarici ölkələrin nüfuzlu ali təhsil müəssisələrində təhsil almaları proqramı (2022-2026-cı illər) – 36,7 milyon manat; fondun idarə edilməsi xərcləri – 37,1 milyon manat.
