Ermənistanda faciə istefa dalğasına gətirdi
Ermənistanın Qeqarkunik vilayətinin Azat kəndində yerləşən hərbi hissədə yanvarın 19-na keçən gecə baş vermiş yanğının ilkin səbəbi açıqlanıb. Novator.az-ın məlumatına görə, müdafiə naziri Suren Papikyan bəyan edib ki, hərbi hissənin mühəndis-istehkam rotasındakı yanğın səhlənkarlığın nəticəsidir.
Yanğında 15 hərbi qulluqçu həlak olub. Suren Papikyanın sözlərinə görə, kazarmanın qızdırılmasında avtomobil benzinindən istifadə olunub, bu da faciəyə gətirib.
Müdafiə naziri ikinci ordu korpusunun komandanının və daha 10 yüksək rütbəli hərbi qulluqçunun istefaya göndərildiyini deyib.
