Dövlət Sərhəd Xidmətinin rəsmi hesabatına görə, 2022-ci ildə 550 halda 774 nəfər dövlət sərhədini pozmağa cəhd edib, bu halların qarşısı alınıb: “Xarici xüsusi xidmət orqanları ilə kəşfiyyat-pozuculuq fəaliyyəti məqsədli əlaqədə şübhəli bilinən 7 nəfər müəyyən edilərək saxlanıb; xaricdə döyüşmüş 6 nəfər tutulub, 11 nəfər müəyyən edilib, narkotik vasitələrin qanunsuz dövriyyəsi ilə məşğul olan 20, qaçaqmalçılıqla məşğul olan 7 dəstə zərərsizləşdirilib, dini radikalizmi təbliğ edən 32 Azərbaycan vətəndaşı müəyyənləşdirilib.

Dövlət sərhədini pozan 559, sərhəd rejimini pozan 9827, axtarışda olan 2843, saxta sənədlərlə 319, özgəsinə məxsus sənədlə 6, gizli şəkildə sərhəd nəzarəti məntəqələrindən keçməyə cəhd edən 1 nəfər saxlanıb; sərhəd pozucularına qarşı silah tətbiq olunması nəticəsində 2 nəfər yaralanıb, 4 nəfər sərhəd pozucusu həyatını itirib”.