Müsavatçı polisdə dindirilib
Müsavat Partiyasının Mərkəzi Nəzarət-Təftiş Komissiyasının üzvü Rövşən Hüseynov yanvarın 17-də Suraxanı Rayon Polis İdarəsinə çağırılıb, bir neçə saat dindirilərək sərbəst buraxılıb.
“Basta” saytı xəbər verir ki, Rövşən Hüseynovdan şikayətçi olan bir şəxs müsavatçının onu döydüyünü iddia edib, xəsarətlər barədə həkim rəyi alınıb. Araşdırma 30-cu polis bölməsində aparılacaq.
Daxili İşlər Nazirliyinin sözçüsü Elşad Hacıyev “Basta”ya açıqlamasında deyib ki, bir neçə gün əvvəl toy məclisindən sonra insident olub, dostu Rövşən Hüseynovun ona xəsarət yetirməsi barədə şikayət verib, araşdırma aparılır.
Rövşən Hüseynov “Basta”ya deyib ki, toy sahibi ondan içkili bir adamı yolüstü evinə çatdırmağı xahiş edib: “Mən və daha iki şəxs taksi ilə getdik, həmin şəxsi də evinə apardıq. Heç bir insident olmayıb. Şahidlər də bunu bilir. Yaxşılıq edib evinə çatdırmışıq, sonra kim nə öyrədibsə, məndən şikayət edib”.
