Gömrük Komitəsi ötən ilə nöqtə qoydu
Dövlət Gömrük Komitəsi yanvarın 16-da qurumun 2022-ci ildəki fəaliyyətinin yekunlarına həsr olunan müşavirə keçirib. Rəsmi məlumata görə, müşavirədə bildirilib ki, 2022-ci ildə dövlət büdcəsinə öhdəlikdə nəzərdə tutulan 4 milyard 605 milyon manata qarşı 5 milyard 653 milyon manat vəsait köçürülüb.
Hesabat dövründə 694-ü cinayət xarakterli olmaqla 28475 hüquqpozma faktının aşkar edildiyi, bu faktlar üzrə şübhəli bilinən 708 nəfər barəsində müvafiq tədbirlər görüldüyü vurğulanır.
Dövlət Gömrük Komitəsində sədr vəzifəsini Şahin Bağırov icra edir. O, 2022-ci il iyulun 18-dən sədrin birinci müavinidir.
1992-ci il yanvarın 30-da yaradılan Gömrük Komitəsinə indiyə qədər bu şəxslər sədrlik edib: Maqsud Məmmədov, Tofiq Kərimov, İbrahim Vəliyev, Tahir Əliyev, Kəmaləddin Heydərov, Aydın Əliyev, Səfər Mehdiyev.
