Böyük Britaniyada, Liverpul şəhərində keçiriləcək “Avroviziya 2023” beynəlxalq mahnı müsabiqəsinə 37 ölkə qatılır. İlk yarımfinal mayın 9-na, ikinci yarımfinal mayın 11-nə, final mayın 13-nə təyin olunub. Yanvarın 13-dək 7 ölkə təmsilçini müəyyən edib. Novator.az siyahını diqqətə çatdırır:

Albaniya – Albina Kelmendi və ailəsi

Fransa – Fatimə Zəhra Hafdi

İsrail – Noa Kirel

Kipr – Endrü Lambrou

Niderland – Mixaya Nikolai və Dion Kuper

Sloveniya – “Joker Out” qrupu

Ukrayna – Andrey Qusulyak və Ceffri Kenni.

Yarışda bu ölkələr də iştirak edəcək: Almaniya, Avstraliya, Avstriya, Azərbaycan, Belçika, Böyük Britaniya, Çexiya, Danimarka, Ermənistan, Estoniya, Finlandiya, Gürcüstan, Xorvatiya, İrlandiya, İslandiya, İspaniya, İsveç, İsveçrə, İtaliya, Latviya, Litva, Malta, Moldova, Norveç, Polşa, Portuqaliya, Rumıniya, San Marino, Serbiya, Yunanıstan.

Azərbaycanı təmsil etmək istəyənlərin müsabiqənin ölkədə rəsmi yayımçısı olan İctimai Televiziya və Radio Yayımları Şirkətinə müraciətləri yanvarın 15-də bitəcək.

İctimai teleradioları bir araya gətirən Avropa Yayım Birliyinin 1956-cı ildən keçirdiyi “Avroviziya” yarışında İrlandiya 7, İsveç 6, Böyük Britaniya, Fransa, Lüksemburq, Niderland 5, İsrail 4, Danimarka, İtaliya, Norveç, Ukrayna 3, Almaniya, Avstriya, İspaniya, İsveçrə 2, Azərbaycan, Belçika, Estoniya, Finlandiya, Latviya, Monako, Portuqaliya, Rusiya, Serbiya, Türkiyə, Yuqoslaviya, Yunanıstan 1 dəfə qalib olub.

Azərbaycan qatıldığı 14 “Avroviziya” yarışının 13-də finala çıxıb. 2008-ci ildə Elnur Hüseynov və Samir Cavadzadə 8-ci yeri, 2009-cu ildə Aysel Teymurzadə və Araş 3-cü yeri, 2010-cu ildə Səfurə Əlizadə 5-ci yeri, 2011-ci ildə Nigar Camal və Eldar Qasımov 1-ci yeri, 2012-ci ildə Səbinə Babayeva 4-cü yeri, 2013-cü ildə Fərid Məmmədov 2-ci yeri, 2014-cü ildə Dilarə Kazımova 22-ci yeri, 2015-ci ildə Elnur Hüseynov 12-ci yeri, 2016-cı ildə Səmra Rəhimli 17-ci yeri, 2017-ci ildə Diana Hacıyeva 14-cü yeri, 2019-cu ildə Çingiz Mustafayev 8-ci yeri, 2021-ci ildə Samirə Əfəndi 20-ci yeri, 2022-ci ildə Nadir Rüstəmli 16-cı yeri tutub.

“Avroviziya 2018”dəki təmsilçi Aysel Məmmədova yarımfinalda ələnib.

Eurovision.tv