Hava proqnozu
Milli Hidrometeorologiya Xidmətinin məlumatına görə, Bakı və Abşeron yarımadasının bəzi yerlərində yanvarın 12-nə keçən gecə qar yağması, səhər tədricən kəsilməsi, gün ərzində havanın əsasən yağmursuz keçməsi gözlənir. Gecə 1-3 dərəcə şaxta, gündüz 1-3 dərəcə isti ehtimalı var.
Bölgələrdə gecə 2-6 dərəcə şaxta, gündüz 2 dərəcə şaxtadan 3 dərəcəyədək isti, dağlarda gecə 15-20, gündüz 5-10 şaxta proqnozlaşdırılır.
Azərbaycanda hava şəraiti yanvarın 8-dən sərtləşib.
Yanvarın 11-nə qarın qalınlığı Cəlilabadda 35, Lerikdə 30, Yardımlıda 22, Qubada 19, Xaçmazda 18, İsmayıllıda 16, Qaxda 15, Şamaxı, Qusar və Qəbələdə 14, Şabranda 12, Biləsuvar, Şəki və Lənkəranda 7, Qobustan, Hacıqabul və Daşkəsəndə 6, Gədəbəy, Ağsu, Göyçay, Tərtər və İmişlidə 3, Göygöl, Bərdə və Astarada 2, Sabirabad, Beyləqan, Salyan, Naftalan və Ağdamda 1, Sumqayıtda 10, Bakıda 8 santimetr göstərilir.
Bakıda və Abşeron yarımadasında 3 dərəcəyədək, Naxçıvan Muxtar Respublikasında 8-11, dağlıq rayonlarda 10-16 dərəcə, Aran rayonlarında 2 dərəcəyədək şaxta qeydə alınıb.
