Azərbaycanın İsraildə ilk səfirinin bioqrafiyası
Muxtar Məmməd oğlu Məmmədov Azərbaycanın İsraildə fövqəladə və səlahiyyətli səfiri təyin edilib. Sərəncamı prezident İlham Əliyev yanvarın 11-də imzalayıb.
Novator.az bildirir ki, Muxtar Məmmədov 1983-cü ildə Bakıda doğulub. Bakı Dövlət Universitetini beynəlxalq münasibətlər ixtisası (bakalavr), Belçikanın Avropa Kollecini Avropaşünaslıq ixtisası (magistr), Dövlət İdarəçilik Akademiyasını dövlət qulluğunun təşkili və idarə edilməsi ixtisası (magistr) ilə bitirib.
2007-2008-ci illərdə Azərbaycanın Silahlı Qüvvələrində həqiqi hərbi xidmət keçib.
Xarici İşlər Nazirliyində, Azərbaycanın Belçikadakı səfirliyində müxtəlif diplomatik vəzifələrdə çalışıb, Təhsil Nazirliyində sektor müdiri, beynəlxalq əməkdaşlıq şöbəsinin müdiri və Aparat rəhbəri olub.
2021-ci il aprelin 29-da təhsil nazirinin müavini (28 iyul 2022-ci ildən elm və təhsil nazirinin müavini) idi.
Azərbaycanın İsraildə səfirliyi 2022-ci ilin noyabr ayında təsis olunub. Səfirlik Tel-Əviv şəhərində yerləşəcək.
İsrail 1948-ci ildə müstəqil dövlət elan olunub. Azərbaycanla İsrail arasında diplomatik münasibətlər 1992-ci il aprelin 6-da qurulub.
