İxracın ilkin statistikası
İqtisadi İslahatların Təhlili və Kommunikasiya Mərkəzi 2022-ci ilin ilkin ixrac hesabatını yayıb. Novator.az bildirir ki, rəsmi məlumata görə, 2022-ci ildə Azərbaycandan 38,1 milyard ABŞ dolları dəyərində məhsul ixrac olunub.
Qeyri-neft sektoru üzrə ixracın 2021-ci illə müqayisədə 10,3 faiz artaraq 3 milyard dollara çatdığı vurğulanır. Kimya sənayesi məhsulları ixracında artım 57,7 faiz, qara metallar və onlardan hazırlanan məmulatların ixracında 17,5 faiz, alüminium və ondan hazırlanan məmulatların ixracında 15,4 faiz, çay ixracında 35,6 faiz göstərilir.
2016-cı ildə yaradılan İqtisadi İslahatların Təhlili və Kommunikasiya Mərkəzinin əsas missiyası təhlil və tədqiqatlar aparmaqla iqtisadi islahatların həyata keçirilməsi üçün təkliflər, habelə orta və uzun müddətli dövr üçün proqnozlar hazırlamaq, dövlət orqanlarını və qurumlarını həmin proqnozlarla təmin etməkdir.
