Ermənistanda yeni nazirlik və nazir
Yanvarın 9-da Ermənistanın daxili işlər naziri təyin olunub: Vaqe Kazaryan. 1974-cü il təvəllüdlü Vaqe Kazaryan iqtisadiyyat və hüquq üzrə iki ali təhsil alıb. Polis sistemində müxtəlif məsul vəzifələr tutub, 2019-2020-ci illərdə Polis Qoşunlarının komandanı olub. 2020-ci ildən Ermənistan Polisinin rəisi idi.
Novator.az bildirir ki, 2003-cü ildə ləğv olunmuş Daxili İşlər Nazirliyi 2022-ci ilin dekabr ayında bərpa edilib. Yenidən qurulan nazirlikdə polis orqanı, xilasetmə və miqrasiya xidmətləri cəmlənir, Fövqəladə Hallar Nazirliyinin ləğvi nəzərdə tutulur.
2018-ci il mayın 8-dən ölkəyə Vətəndaş Sazişi Partiyasının lideri Nikol Paşinyan baş nazirlik edir. Onun hökumətində bu şəxslər də yer alır: Mger Qriqoryan, Tiqran Xaçatryan – baş nazirin müavinləri, Ararat Mirzoyan – xarici işlər naziri, Suren Papikyan – müdafiə naziri, Qriqor Minasyan – ədliyyə naziri, Armen Pambuxçyan – fövqəladə hallar naziri, Vaan Kerobyan – iqtisadiyyat naziri, Vaqe Ovannisyan – maliyyə naziri, Robert Xaçatryan – yüksək texnologiyalar sənayesi naziri, Qnel Sanosyan – ərazi idarəçiliyi və infrastruktur naziri, Narek Mkrtçyan – əmək və sosial məsələlər naziri, Janna Andreasyan – elm, təhsil, mədəniyyət və idman naziri, Anait Avanesyan – səhiyyə naziri, Akop Simidyan – ətraf mühit naziri.
Hökumət üzvlərini baş nazirin təqdimatı ilə prezident təyin edir.
