Yalçın İmanov işi: Avropa Məhkəməsi suallar qoyub
Vəkillikdən uzaqlaşdırılmış hüquqşünas Yalçın İmanovun şikayətini araşdıran Avropa İnsan Hüquqları Məhkəməsi Azərbaycan dövləti ilə kommunikasiya aparır. Məhkəmənin ünvanladığı suallar Yalçın İmanovun Avropa İnsan Hüquqları Konvensiyası ilə tanınan şəxsi həyata hörmət hüququna; ifadə azadlığı hüququna; mülkiyyət hüququndan dinc istifadəsinə müdaxilənin olub-olmadığını və başqa məsələləri əhatə edir.
Fransanın Strasburq şəhərində yerləşən, hakimləri Avropa Şurasına üzv ölkələrdən seçilən Avropa Məhkəməsi Avropa İnsan Hüquqları Konvensiyasına riayət olunmasına nəzarətə məsuldur.
Azərbaycan 1949-cu ildə yaradılmış Avropa Şurasına 2001-ci ildə qoşulub, 2002-ci ildən Avropa Məhkəməsinin təsir dairəsindədir.
Yalçın İmanov Avropa Məhkəməsinə 2019-cu ilin dekabr ayında şikayət göndərib.
Hüquqşünas 2007-ci ildən Vəkillər Kollegiyasının üzvü olub, siyasi məhbusların əsas müdafiəçilərindən biri kimi tanınıb.
Vəkillər Kollegiyası Rəyasət Heyətinin 20 noyabr 2017-ci il qərarı ilə Yalçın İmanovun vəkillik fəaliyyətinə xitam verilməsi üçün məhkəməyə müraciət olunub. Məhkəmə baxışına qədər Yalçın İmanovun vəkillik fəaliyyəti dayandırılıb.
Rəyasət Heyətinin qərarı Penitensiar Xidmət rəhbərliyinin şikayəti əsasında çıxarılıb. Həmin şikayətdə bildirilib ki, Yalçın İmanov hüquqlarını müdafiə etdiyi, siyasi məhbus kimi tanınan Abbas Hüseynova Qobustan həbsxanasında işgəncə verilməsi haqda yalan məlumat yayıb.
2019-cu il fevralın 22-də Gəncə İnzibati-İqtisadi Məhkəməsi iş üzrə yekun qərar çıxarıb, Yalçın İmanovun vəkillik fəaliyyətinə xitam verib. Mayın 17-də Gəncə Apellyasiya Məhkəməsi həmin qərarı qüvvədə saxlayıb.
Gəncə İnzibati-İqtisadi Məhkəməsi ilkin baxış zamanı 20 noyabr 2017-ci il qərarının ləğvi barədə qarşılıqlı iddianı icraata götürməyib. Bundan sonra Yalçın İmanov Gəncə Apellyasiya Məhkəməsində və Ali Məhkəmədə çəkişmələr aparsa da, nəticə əldə edə bilməyib.
Hüquqşünas Sumqayıt İnzibati-İqtisadi Məhkəməsinə də şikayət edərək Rəyasət Heyətinin 20 noyabr 2017-ci il qərarının ləğvini istəyib. Məhkəmə iddiaya baxmayıb. Sumqayıt Apellyasiya Məhkəməsi və Ali Məhkəmə bu qərardadı qüvvədə saxlayıb.
Ali Məhkəməyə son şikayətində Yalçın İmanov vəkillikdən uzaqlaşdırlıması qərarının ləğvini, Avropa İnsan Hüquqları Konvensiyası ilə qorunan şəxsi həyata və ailə həyatına hörmət; fikri ifadə etmək azadlığı; yığıncaqlar və birləşmək azadlığı; hüquqlarla bağlı məhdudiyyətlərdən istifadənin hədləri; mülkiyyətin müdafiəsi hüquqlarının pozuntusunu tanımağı istəyib. 2019-cu il oktyabrın 1-də Ali Məhkəmə şikayəti təmin etməyib, Yalçın İmanovun vəkillikdən uzaqlaşdırılması barədə qərar qüvvədə qalıb və hüquqşünas Avropa Məhkəməsinə üz tutub.
Çarmıxa çəkən kimdir, çarmıxa çəkilən kim?
Yalçın İmanovun vəkillik fəaliyyəti dayandırıldı
İradə Cavadova: “Yalçın İmanovun məsələsində töhmətə də yer yoxdur”
Milli Şuradan vəkillik çağırışı
Məhbus ailələri Yalçın İmanovla bağlı konfrans keçiriblər
Beynəlxalq təşkilat vəkil üçün ədalət istəyir
Yalçın İmanov cəza qərarını ala bilmir
Yalçın İmanov prosesi Gəncədə olacaq
Yalçın İmanovun işi: ilkin baxışda nə üzə çıxıb?
Yalçın İmanov Ali Məhkəməyə üz tutur
Hüquqşünasın işi yeni mərhələdə
Yalçın İmanov prosesi təyin olunub
Yalçın İmanovun şikayətinə bu ay baxılacaq
Yalçın İmanovun şikayəti təmin olunmadı
Yalçın İmanovun şikayəti: yenə məhkəmə olacaq
Paytaxt məhkəməsi işi Sumqayıta göndərdi
Yalçın İmanovun işi: bir prosesin vaxtı bilindi
Yalçın İmanov: çəkişmələr davam edir
Məhkəmə Yalçın İmanovun iddiasına baxmağı mümkün saymadı
Yalçın İmanovun işi yekun qərara gedir
Məhkəmə Yalçın İmanovun vəkilliyinə xitam verdi
Məhkəmə Yalçın İmanovun şikayətinə baxacaq
Yalçın İmanov daha bir şikayət verib
Yalçın İmanovun işi: yenə “yox”
Yalçın İmanov Ali Məhkəməyə şikayət edib
Gəncədə Yalçın İmanovun şikayətinə baxılacaq
Yalçın İmanovun vəkilliyi: məhkəmə daha bir qərar verdi
Yalçın İmanovun işi Ali Məhkəmədə
Ali Məhkəmə hüquqşünasa yox dedi
