![]({"full":{"0":"2022\/12\/Oqtay-Kerimov.png","1":754,"2":438,"3":false,"file":"https:\/\/novator.az\/wp-content\/uploads\/2022\/12\/Oqtay-Kerimov.png"}})
Daxili İşlər Nazirliyinin saytında yeni nazir müavini Oqtay Kərimovun bioqrafiyası yerləşdirilib.
Kərimov Oqtay Əsgər oğlu 1967-ci il iyunun 6-sı Bakıda doğulub. Simferopol Ali Hərbi Siyasi İnşaat Məktəbini və Daxili İşlər Nazirliyinin Polis Akademiyasını bitirib.
SSRİ Silahlı Qüvvələrində rota komandirinin müavini, Daxili İşlər Nazirliyinin nizami polis hissəsində bölük komandirinin müavini və bölük komandiri olub.
Daxili İşlər Nazirliyinin Baş İctimai Təhlükəsizlik İdarəsində inspektor, baş inspektor, şöbə rəisi, baş idarə rəisinin müavini, Daxili Qoşunlarda qərargah rəisinin birinci müavini vəzifələrini tutub.
2016-cı ildən Daxili İşlər Nazirliyinin Baş İctimai Təhlükəsizlik İdarəsinin rəisi postunda xidmət edən Oqtay Kərimov 2022-ci il dekabrın 16-da daxili işlər nazirinin müavini təyin olunub.
Polis general-mayorudur.
Novator.az bildirir ki, Azərbaycanda daxili işlər orqanı 1918-ci il iyulun 2-də yaradılıb. 2019-cu il iyunun 20-dən daxili işlər naziri postunu Vilayət Eyvazov tutur.