Büdcədə medianın payı
Novator.az 2023-cü ilin dövlət büdcəsində medianın payına nəzər salıb.
Audiovizual Şurası üçün 2,6 milyon manat vəsait nəzərdə tutulub.
Publik hüquqi şəxslər olan Azərbaycan Dövlət İnformasiya Agentliyi (AZƏRTAC) büdcədən 9,3 milyon manat, Medianın İnkişafı Agentliyi 6,8 milyon manat götürür.
Televiziya, radio və nəşriyyat istiqaməti üzrə 61 milyon 24,1 min manat xərc nəzərdə tutulur. Həmin vəsaitin 36,1 milyon manatı “Azərbaycan Televiziya və Radio Verilişləri” Qapalı Səhmdar Cəmiyyətinin, 21,6 milyon manatı İctimai Televiziya və Radio Yayımları Şirkətinin payına düşür.
“Azərbaycan” nəşriyyatına (dövlət sifarişlərinin yerinə yetirilməsi üçün) 2,3 milyon manat verilir.
“Mir” Dövlətlərarası Teleradio Şirkətinin Azərbaycan milli nümayəndəliyinə 655,1 min manat, Mədəniyyət Nazirliyinə 272,6 min manat, radio və televiziya redaksiyalarının saxlanması üçün 27,8 min manat ayrılır.
