Pənah Hüseynin müavinləri təyin olunub
Azərbaycan Xalq Partiyasının İdarə Heyəti təyinat qərarları verib: Qiyas Sadıqov partiya sədrinin birinci müavini, Hüseyn Mehdiyev, Hüseyn Behbudov, Emin Əliyev, Vaqif Hüseyn müavinləri təyin olunub.
Novator.az bildirir ki, dekabrın 11-i Bakıda Azərbaycan Xalq Partiyasının 5-ci qurultayı keçirilib, Pənah Hüseyn yenidən sədr seçilib.
1957-ci il təvəllüdlü Pənah Hüseyn milli azadlıq hərəkatının liderlərindəndir. Əbülfəz Elçibəyin prezidentliyi zamanı (1992-1993) əvvəl dövlət katibi, sonra baş nazir postlarını tutub.
1996-1997 və 2003-2005-ci illərdə həbsdə yatıb. 2005-2010-cu illərdə Milli Məclisin deputatı olub.
Azərbaycan Xalq Partiyası 1999-cu ildə dövlət qeydiyyatına alınıb.
