İş adamına hökm oxundu
Bakı Ağır Cinayətlər Məhkəməsi “Baku Steel Company” MMC-nin Müşahidə Şurasının sədri olmuş Rasim Məmmədovun mühakiməsini bitirib. APA xəbər verir ki, iş adamı dekabrın 28-də çıxarılan hökmlə 14 il müddətinə azadlıqdan məhrumetmə cəzası alıb. O, xüsusilə külli miqdarda ziyan vurmaqla mənimsəmə və israf etmədə, xüsusilə külli miqdarda gəlir əldə etməklə yalançı sahibkarlıqda, vəzifə saxtakarlığında təqsirli bilinib.
Rasim Məmmədov 2021-ci ildə həbs edilib. Həmin il fevralın 3-də Dövlət Təhlükəsizliyi Xidmətinin yaydığı rəsmi məlumatda qeyd olunub ki, Rasim Məmmədovun metallurgiya sənayesinin inkişafına, fiziki və hüquqi şəxslərin hüquqlarına, dövlətin qanunla qorunan mənafelərinə mühüm zərər vuran qanunsuz əməllərə yol verdiyi üzə çıxıb.
