Gömrük Komitəsinin rəhbərliyində yeniliklər
Dövlət Gömrük Komitəsinin rəhbərliyində dəyişikliklər edilib. Rəsmi məlumata görə, Natiq Şirinov prezident İlham Əliyevin 27 dekabr sərəncamı ilə komitə sədrinin müavini postuna təyinat alıb. Həmin gün imzalanan başqa sərəncamlarla Əsgər Abdullayev və İqbal Babayev sədr müavini vəzifələrindən götürülüb.
Novator.az bildirir ki, Əsgər Abdullayev müavin vəzifəsini 2006-cı ildən, İqbal Babayev 2018-ci ildən tuturdu.
İsmayıl Hüseynov 2018-ci ildən komitə sədrinin birinci müavini, Cavad Qasımov 2018-ci ildən, Bəhruz Quliyev 2022-ci il avqustun 2-dən sədr müavinidir.
Sədr vəzifəsini Şahin Bağırov icra edir. O, 2022-ci il iyulun 18-dən sədrin birinci müavinidir.
1992-ci il yanvarın 30-da yaradılan Gömrük Komitəsinə indiyə qədər bu şəxslər sədrlik edib: Maqsud Məmmədov, Tofiq Kərimov, İbrahim Vəliyev, Tahir Əliyev, Kəmaləddin Heydərov, Aydın Əliyev, Səfər Mehdiyev.
