“Avroviziya 2023”: 6 təmsilçi bəllidir
“Avroviziya 2023” beynəlxalq mahnı müsabiqəsinə qatılan 37 ölkənin 6-sı təmsilçini müəyyən edib. Novator.az saytı Eurovision.tv-yə istinadla siyahını diqqətə çatdırır:
Albaniya – Albina Kelmendi və ailəsi
İsrail – Noa Kirel
Kipr – Endrü Lambrou
Niderland – Mixaya Nikolai və Dion Kuper
Sloveniya – “Joker Out” qrupu
Ukrayna – Andrey Qusulyak və Ceffri Kenni.
Liverpul şəhərinin ev sahibi olduğu yarışda bu ölkələr də iştirak edəcək: Almaniya, Avstraliya, Avstriya, Azərbaycan, Belçika, Böyük Britaniya, Çexiya, Danimarka, Ermənistan, Estoniya, Finlandiya, Fransa, Gürcüstan, Xorvatiya, İrlandiya, İslandiya, İspaniya, İsveç, İsveçrə, İtaliya, Latviya, Litva, Malta, Moldova, Norveç, Polşa, Portuqaliya, Rumıniya, San Marino, Serbiya, Yunanıstan.
İlk yarımfinal mayın 9-na, ikinci yarımfinal mayın 11-nə, final mayın 13-nə təyin olunub.
İctimai teleradioları bir araya gətirən Avropa Yayım Birliyinin 1956-cı ildən keçirdiyi “Avroviziya” yarışında İrlandiya 7, İsveç 6, Böyük Britaniya, Fransa, Lüksemburq, Niderland 5, İsrail 4, Danimarka, İtaliya, Norveç, Ukrayna 3, Almaniya, Avstriya, İspaniya, İsveçrə 2, Azərbaycan, Belçika, Estoniya, Finlandiya, Latviya, Monako, Portuqaliya, Rusiya, Serbiya, Türkiyə, Yuqoslaviya, Yunanıstan 1 dəfə qalib olub.
