Sankt-Peterburq səfəri başlayıb
Dekabrın 26-da prezident İlham Əliyevin Rusiyanın Sankt-Peterburq şəhərinə səfəri başlayıb. AZƏRTAC xəbər verir ki, prezident Müstəqil Dövlətlər Birliyinin (MDB) qeyri-rəsmi sammitinə qatılacaq.
Sankt-Peterburqun Pulkovo-2 hava limanında İlham Əliyevi Sankt-Peterburq şəhərinin və Leninqrad vilayətinin qubernatorları, digər rəsmi şəxslər qarşılayıb.
MDB-nin əsası Rusiya, Belarus və Ukrayna dövlət başçılarının 8 dekabr 1991-ci ildə imzaladığı sazişlə qoyulub.
21 dekabr 1991-ci ildə Moldova, Azərbaycan, Ermənistan, Qazaxıstan, Özbəkistan, Türkmənistan, Qırğızıstan, Tacikistan sazişi imzalayaraq MDB-yə qoşulublar.
1993-cü il dekabrın 9-da Gürcüstan da MDB-yə daxil olub.
Rusiyanın hərbi təcavüzünə məruz qalan Gürcüstan 2009-cu ildə MDB-dən ayrılıb, Ukrayna eyni səbəbdən 2014-cü ildən başlayaraq qurumda iştirakını dayandırıb.
MDB-nin İcraiyyə Komitəsi Belarusun paytaxtı Minskdə qərar tutur.
