Ərəbistan yolunda?
Portuqaliyalı futbol ulduzu Kriştiano Ronaldonun Səudiyyə Ərəbistanının “Əl-Nəsr” klubu ilə apardığı danışıqlardan yeni bilgi yayılıb. İddiaya görə, klub futbolçuya 2 il yarımlıq müqavilə, 2025-ci ilədək ümumilikdə 500 milyon dollar maaş təklif edir.
Novator.az bildirir ki, Kriştiano Ronaldo 1985-ci il fevralın 5-də Portuqaliyanın Funşal şəhərində doğulub. Hücumçudur.
Portuqaliyanın “Sportinq” (2002-2003), İngiltərənin “Mançester Yunayted” (2003-2009 və 2021-2022), İspaniyanın “Real” (2009-2018), İtaliyanın “Yuventus” (2018-2021) komandalarında oynayıb. Hazırda heç bir kluba məxsus deyil.
3 dəfə İngiltərə çempionu, 2 dəfə İspaniya çempionu, 2 dəfə İtaliya çempionu olub, 2 dəfə İspaniya kubokunu, 1 dəfə İngiltərə kubokunu, 1 dəfə İtaliya kubokunu, 2 dəfə İngiltərə liqa kubokunu, 2 dəfə İngiltərə superkubokunu, 2 dəfə İspaniya superkubokunu, 2 dəfə İtaliya superkubokunu, 1 dəfə Portuqaliya superkubokunu qazanıb.
5 dəfə UEFA Çempionlar Liqasının qalibi olub, 3 dəfə UEFA superkubokunu qazanıb, 3 dəfə klublar arasında dünya çempionluğu əldə edib.
Portuqaliya milli komandasının heyətində Avropa çempionu (2016), UEFA Millətlər Liqasının qalibi (2019) olub.
2008, 2013, 2014, 2016, 2017-ci illərdə dünyanın ən yaxşı futbolçusu seçilərək “Qızıl top” mükafatı alıb.
