24 dekabr ziyarəti, görüş
AZƏRTAC xəbər verir ki, prezident İlham Əliyev dekabrın 24-də Qərbi Azərbaycan İcmasının inzibati binasında yaradılan şəraitlə tanış olub, bir qrup ziyalı ilə görüşüb (Görüş).
Qərbi Azərbaycan İcmasının mərkəzi qərargahı Bakının Nərimanov rayonunda, Gülarə Qədirbəyova, 9-da yerləşir. 2022-ci il avqustun 3-də Azərbaycan Qaçqınlar Cəmiyyətinin bazasında yaradılan quruma Milli Məclisin deputatı Əziz Ələkbərli rəhbərlik edir.
Dekabrın 24-də İlham Əliyevin 61 yaşı tamam olur. 1961-ci il təvəllüdlü İlham Əliyev 1994-cü ildən Azərbaycan Dövlət Neft Şirkətinin vitse-prezidenti, 1996-cı ildən birinci vitse-prezidenti postunu tutub, 1995 və 2000-ci illərdə Milli Məclisin deputatı seçilib, 2003-cü il avqustun 4-də baş nazir təyin edilib, 2003, 2008, 2013-cü illərdə 5 il müddətinə, 2018-ci ildə 7 il müddətinə prezident vəzifəsinə mandat alıb.
