Elxan Nuriyev azadlığa buraxılıb
Qubadlı Rayon İcra Hakimiyyətinin sabiq başçısı Elxan Nuriyev azadlığa buraxılıb. Xəbəri dekabrın 20-də Azərbaycan Demokratiya və Rifah Partiyasının sədri Qubad İbadoğlu yayıb.
Milli azadlıq hərəkatının fəalı, Birinci Qarabağ müharibəsinin iştirakçısı olmuş Elxan Nuriyev Qubadlı Rayon İcra Hakimiyyətinə Əbülfəz Elçibəyin prezidentliyi dövründə (1992-1993) başçılıq edib. 1993-cü ildə Elxan Nuriyev Ukraynaya mühacirət edib və vətəndaşlıq alıb, ölkənin ictimai-siyasi həyatında yaxından iştirak edib.
Elxan Nuriyev oktyabrın 2-si Polşada tutulmuşdu. Onun Azərbaycanda qəsdən adam öldürmə və vəzifə səlahiyyətlərini aşma ittihamları ilə beynəlxalq axtarışda olduğu açıqlanmışdı. Azərbaycanın bəzi müxalif qüvvələri Elxan Nuriyevin siyasi motivli qərar əsasında saxlandığını iddia edirdi.
Sabiq icra başçısı niyə tutulub?
