11 ayın xarici ticarət hesabatı
Dövlət Gömrük Komitəsi xarici ticarət statistikası yayıb. Novator.az bildirir ki, hesabata görə, 2022-ci ilin yanvar-noyabr aylarında Azərbaycan 184 ölkə ilə ticarət əməliyyatı aparıb, ixrac 36,3 milyard dolları, idxal 12,8 milyard dolları ötüb, dövlət büdcəsinə 5 milyard 89,6 milyon manata yaxın vəsait ödənib.
İxracın 92,6 faizi neft-qaz sektoruna aid olub, idxalda ən böyük pay maşın, mexanizm, elektrik aparatları, avadanlıqlar və onların hissələrini əhatə edib: 19,9 faiz.
İxracın 4,1 faizi MDB ölkələrinə, 66,5 faizi Avropa İttifaqı ölkələrinə, 29,4 faizi başqa ölkələrə yönəlib, idxalda MDB-nin payı 30 faizi, Avropa İttifaqının payı 15,9 faizi, başqa ölkələrin payı 53,9 faizi üstələyib.
Ticarət dövriyyəsində və ixracda əsas tərəfdaş kimi İtaliya, idxalda əsas tərəfdaş kimi Rusiya göstərilir.
