İmtahan günləri açıqlanıb
Dövlət İmtahan Mərkəzi 2023-cü ilin buraxılış, ali təhsil müəssisələrinin bakalavriat səviyyəsinə, rezidentura və magistraturaya qəbul, həmçinin sınaq imtahanlarının tarixlərini elan edib.
Tam (11 illik) orta təhsil səviyyəsi üzrə buraxılış imtahanları 5 və 12 marta, ümumi (9 illik) orta təhsil səviyyəsi üzrə buraxılış imtahanları 9, 16 və 30 aprelə təyin olunub.
Ali təhsil müəssisələrinə III ixtisas qrupu üzrə qəbul imtahanının birinci cəhdi mayın 20-də, II ixtisas qrupu üzrə mayın 21-də, IV ixtisas qrupu üzrə iyunun 3-də, I ixtisas qrupu üzrə iyunun 4-də olacaq.
İmtahanların ikinci cəhdi III ixtisas qrupu üzrə 8 iyulda, II ixtisas qrupu üzrə 9 iyulda, I ixtisas qrupu üzrə 22 iyulda, IV ixtisas qrupu üzrə 23 iyulda keçiriləcək.
Ali təhsil müəssisələrinə qəbul imtahanının ikinci mərhələsinə uyğun sınaq imtahanı (I, II, III və IV qrup) fevralın 12-nə, magistraturaya qəbul imtahanına uyğun sınaq imtahanı yanvarın 29-na salınıb.
