Dekabr yemi
İqtisadçı, Azərbaycan Demokratiya və Rifah Partiyasının sədri Qubad İbadoğlu dövlət büdcəsinin aylar üzrə icrası məsələsinə toxunub. O, rəsmi statistikaya nəzər salaraq yazır ki, xərclər aylar üzrə proporsional deyil, hər ilin son ayında çox yüksək olur, bu da korrupsiyadan xəbər verir: “Məsələn, 2021-ci ilin 11 ayında orta aylıq büdcə xərcləri 2 milyard 28,1 milyon manat göstərilib, dekabr ayının xərci isə həmin məbləği 2,5 dəfə üstələyib. Dekabrda xərc edilən vəsait 2021-ci ilin ümumi büdcə xərclərinin 18,6 faizini təşkil edib.
2021-ci ilin yanvarında büdcədən 1,2 milyard manat xərclənib. Fevral və iyunda xərclər 2,2 milyard manat, mart, aprel, iyul və sentyabrda 2 milyard manatdan bir az çox, mayda 1,8 milyard manat, avqustda 1,9 milyard manat, oktyabrda 2,5 milyard manata yaxın, noyabrda 2,1 milyard manat, dekabrda 5,1 milyard manat olub”.
Novator.az 2022-ci ilin dövlət büdcəsinin yanvar-sentyabr ayları üzrə xərclərinə də nəzər salıb:
yanvar – 983,4 milyon manat;
fevral – 1 milyard 701,8 milyon manat;
mart – 2 milyard 944,3 milyon manat;
aprel – 2 milyard 539,2 milyon manat;
may – 2 milyard 281,2 milyon manat;
iyun – 2 milyard 486,7 milyon manat;
iyul – 2 milyard 398,2 milyon manat;
avqust – 2 milyard 817,1 milyon manat;
sentyabr – 2 milyard 318,8 milyon manat.
