Nazirliyin strukturu yeniləndi
Dekabrın 10-da prezident İlham Əliyev Gənclər və İdman Nazirliyinin strukturunu yeniləyib. Sərəncama görə, nazirliyin bu bölgə qurumları olur: Bakı Şəhər Gənclər və İdman İdarəsi; Abşeron-Xızı Regional Gənclər və İdman İdarəsi; Dağlıq Şirvan Regional Gənclər və İdman İdarəsi; Gəncə-Daşkəsən Regional Gənclər və İdman İdarəsi; Qarabağ Regional Gənclər və İdman İdarəsi; Qazax-Tovuz Regional Gənclər və İdman İdarəsi; Quba-Xaçmaz Regional Gənclər və İdman İdarəsi; Lənkəran-Astara Regional Gənclər və İdman İdarəsi; Mərkəzi Aran Regional Gənclər və İdman İdarəsi; Mil-Muğan Regional Gənclər və İdman İdarəsi; Şəki-Zaqatala Regional Gənclər və İdman İdarəsi; Şərqi Zəngəzur Regional Gənclər və İdman İdarəsi; Şirvan-Salyan Regional Gənclər və İdman İdarəsi.
Nazirlər Kabinetinə idarələrin fəaliyyətinin təşkili ilə bağlı zəruri maliyyə və maddi-texniki təminat məsələlərini həll etmək; Maliyyə Nazirliyinə gənclər və idman sahəsinin 2023-cü il yanvarın 1-dən mərkəzləşdirilmiş maliyyələşməyə keçməsini təmin etmək tapşırılıb.
Novator.az bildirir ki, Gənclər və İdman Nazirliyi 26 iyul 1994-cü ildə Dövlət Bədən Tərbiyəsi və İdman Komitəsinin ləğvi ilə yaradılıb, 18 aprel 2001-ci ildən 30 yanvar 2006-ci ilədək Gənclər, İdman və Turizm Nazirliyi adı daşıyıb.
2021-ci il sentyabrın 7-dən gənclər və idman naziri postunu Fərid Qayıbov tutur.
