Büdcə parlamentdən keçdi
Dekabrın 9-da parlament 2023-cü ilin dövlət büdcəsi layihəsini son oxunuşda qəbul edib. Novator.az-ın məlumatına görə, layihədə 30 milyard 773,9 milyon manat gəlir, 33 milyard 353,3 milyon manat xərc nəzərdə tutulur.
Büdcə zərfinə başqa sənədlər də daxildir.
Dövlət Sosial Müdafiə Fondunun büdcə layihəsində gəlirlər və xərclər 6 milyard 263,9 milyon manat, işsizlikdən sığorta fondunun büdcə layihəsində gəlirlər və xərclər 212,7 milyon manat göstərilir.
2023-cü il üçün yaşayış minimumu və ünvanlı dövlət sosial yardımının təyin edilməsi məqsədilə ehtiyac meyarının həddi 246 manat götürülür.
