Peruda hakimiyyət böhranı yaşanır. Dekabrın 7-də Pedro Kastilyo parlamentin qərarı ilə prezident postundan götürülüb, ardınca həbs edilib.

Pedro Kastilyo parlamentin buraxılması və ölkədə komendant saatı elan edilməsinə fərman versə də, hərbçilər və polis qüvvələri qanunverici orqana tərəfdar çıxıblar.

Sabiq dövlət başçısına qiyama cəhd, vəzifə səlahiyyətlərindən sui-istifadə, ictimai asayişi pozmaq, korrupsiya ittihamları irəli sürülüb.

Prezident səlahiyyətləri birinci vitse-prezident Dina Boluarteyə keçib.

Novator.az bildirir ki, 1969-cu il təvəllüdlü Pedro Kastilyo 2021-ci ildə solçu Azad Peru Partiyasının namizədi kimi prezident seçilmiş, həmin il iyulun 28-də səlahiyyətlərinin icrasına başlamışdı.