“Avroviziya 2023”: hansı təmsilçilər məlumdur?
“Avroviziya 2023” beynəlxalq mahnı müsabiqəsinə 37 ölkə qatılır. Novator.az bildirir ki, 2022-ci il dekabrın 7-dək onların 3-ü təmsilçisini müəyyən edib:
İsrail – Noa Kirel
Kipr – Endrü Lambrou
Niderland – Mixaya Nikolai və Dion Kuper.
Liverpul şəhərinin ev sahibi olduğu yarışda bu ölkələr də yer alacaq: Albaniya, Almaniya, Avstraliya, Avstriya, Azərbaycan, Belçika, Böyük Britaniya, Çexiya, Danimarka, Ermənistan, Estoniya, Finlandiya, Fransa, Gürcüstan, Xorvatiya, İrlandiya, İslandiya, İspaniya, İsveç, İsveçrə, İtaliya, Latviya, Litva, Malta, Moldova, Norveç, Polşa, Portuqaliya, Rumıniya, San Marino, Serbiya, Sloveniya, Ukrayna, Yunanıstan.
İlk yarımfinal mayın 9-na, ikinci yarımfinal mayın 11-nə, final mayın 13-nə təyin olunub.
İctimai teleradioları bir araya gətirən Avropa Yayım Birliyinin 1956-cı ildən keçirdiyi “Avroviziya” yarışında İrlandiya 7, İsveç 6, Böyük Britaniya, Fransa, Lüksemburq, Niderland 5, İsrail 4, Danimarka, İtaliya, Norveç, Ukrayna 3, Almaniya, Avstriya, İspaniya, İsveçrə 2, Azərbaycan, Belçika, Estoniya, Finlandiya, Latviya, Monako, Portuqaliya, Rusiya, Serbiya, Türkiyə, Yuqoslaviya, Yunanıstan 1 dəfə qalib olub.
Mənbə: Eurovision.tv
