Nazirlər təlim poliqonunda
Müdafiə Nazirliyi Azərbaycan-Türkiyə hərbi təlimindən yeni məlumat yayıb.
Müxtəlif qoşun növlərinin şəxsi heyəti, döyüş və xüsusi təyinatlı mühəndis-istehkam texnikası, hərbi aviasiya vasitələrinin cəlb olunması ilə keçirilən təlim Bakı şəhərini və İranla sərhəddəki Astara, Cəbrayıl, İmişli rayonlarının ərazilərini əhatə edir.
Dekabrın 6-da Azərbaycanın müdafiə naziri Zakir Həsənovla Türkiyənin milli müdafiə naziri Hulusi Akar “Qardaş yumruğu” adlı təlimi izləmək üçün təlim poliqonuna baş çəkiblər. Məruzə edilib ki, Azərbaycan Ordusunun Quru Qoşunları, Hərbi Hava Qüvvələri, Xüsusi Təyinatlı Qüvvələr, Mühəndis Qoşunları, Raket və Artilleriya Qoşunlarının bölmələri Türkiyə Silahlı Qüvvələrinin hərbçiləri ilə qarşılıqlı əlaqədə müxtəlif təlim döyüş tapşırıqlarını yüksək peşəkarlıqla yerinə yetirirlər.
Nazirlər Astara, Cəbrayıl və İmişli rayonlarının ərazilərində keçirilən təlimdə icra olunan tapşırıqları monitorlarla canlı izləyiblər.
Bütün istiqamətlər üzrə icra olunan tapşırıqlar komandir heyəti ilə birgə təhlil edilib.
