Ermənistanın inflyasiya statistikası
Ermənistanda illik inflyasiya hesabatı yayılıb. Novator.az bildirir ki, Statistika Komitəsinin rəsmi məlumatına görə, noyabrda 2021-ci ilin eyni ayına nəzərən 8 faiz bahalaşma gedib, ərzaq məhsulları və alkoqolsuz içkilərin qiyməti 11,1 faiz artıb.
Ərzaqlardan ən çox makaronun (28,1 faiz), mal ətinin (23,5 faiz) və çörəyin (15,8 faiz) bahalaşdığı xəbər verilir.
Hesabata əsasən, spirtli içkilərin və siqaretin qiyməti 8,7 faiz yüksəlib.
Mədəniyyət və istirahət sahəsində xidmətlər üzrə bahalaşma 10,6 faiz, restoran və mehmanxana xidmətləri üzrə 8,9 faiz, kommunal xidmətlər üzrə 8 faiz göstərilir.
Statistikaya görə, məişət malları və texnikası 12,4 faiz, nəqliyyat xidməti 7,8 faiz, geyim və ayaqqabı 7,5 faiz qiymət artırıb.
