“Azərbaycan Dəmir Yolları”nda yeni sözçü
“Azərbaycan Dəmir Yolları” Qapalı Səhmdar Cəmiyyətinə yeni sözçü – mətbuat katibliyi şöbəsinin rəisi təyin edilib: Sənubər Nəzərova. Rəsmi xəbər dekabrın 5-də yayılıb.
Əvvəlki sözçü Natəvan Bayramova ötən həftə postdan gedib.
Təqdimata görə, Xəzər Universitetinin humanitar elmlər fakültəsini (bakalavr) və beynəlxalq münasibətlər fakültəsini (magistr) bitirən Sənubər Nəzərova Azərbaycanda fəaliyyət göstərən bir sıra beynəlxalq təşkilat və diplomatik korpusda media və kampaniyaların təşviqi üzrə məsul vəzifələrdə çalışıb, “SOCAR AQS” şirkətinin ictimaiyyətlə əlaqələr şöbəsinə rəhbərlik edib, İnnovasiya və Rəqəmsal İnkişaf Agentliyi Aparatının ictimaiyyətlə əlaqələr şöbəsinin müdiri olub.
2022-ci il oktyabrın 26-dan “Azərbaycan Dəmir Yolları” Qapalı Səhmdar Cəmiyyətinə Rövşən Rüstəmov sədrlik edir.
