Gürcüstanın inflyasiya göstəriciləri
Gürcüstanın Milli Statistika Xidməti inflyasiya hesabatı yayıb. Novator.az bildirir ki, rəsmi açıqlamaya görə, 2022-ci ilin noyabr ayında istehlak qiymətləri ötən ilin eyni dövrünə nəzərən 10,4 faiz artıb.
Ərzaq məhsulları və alkoqolsuz içkilər üzrə illik bahalaşma 16,8 faiz göstərilir, meyvə-tərəvəzin 26 faiz, çörəyin 23,8 faiz, içməli su və müxtəlif alkoqolsuz içkilərin 22 faiz, çay, qəhvə və kakaonun 19,5 faiz, süd, pendir və yumurtanın 18,3 faiz dəyər artırdığı xəbər verilir.
Hesabata əsasən, şəkər və şirniyyat üzrə 15,7 faiz, balıq məhsulları üzrə 13,6 faiz, yağ və piylər üzrə 10,1 faiz, ət və ət məhsulları üzrə 9,1 faiz bahalaşma qeydə alınıb.
Kommunal xərclərin 15,4 faiz, nəqliyyat xərclərinin 8,2 faiz yüksəldiyi vurğulanır.
