Noyabrda Azərbaycan nefti 10,29 dollar ucuzlaşıb
Energetika Nazirliyinin 30 noyabr açıqlamasına görə, “AzəriLayt” markalı Azərbaycan neftinin barreli 85,21 dollara təklif olunur. Novator.az bildirir ki, bu, ayın start qiymətindən 10,29 dollar aşağı qiymətdir.
2022-ci ilin dövlət büdcəsində bir barrel neft 50 dollardan götürülüb, iyulun 1-də 85 dollara qaldırılıb. “AzəriLayt” yanvara 82,49, fevrala 94,20, marta 102,30, aprelə 112,33, maya 110,70, iyuna 127,48, iyula 123,40, avqusta 105,97, sentyabra 99,67, oktyabra 91,68, noyabra 95,50 dollarla başlayıb.
Gündəlik xam neft hasilatı yanvarda 580,9 min barrel, fevralda 566,3 min barrel, martda 579,4 min barrel, apreldə 579,1 min barrel, mayda 571,3 min barrel, iyunda 523,5 min barrel, iyulda 549,9 min barrel, avqustda 554 min barrel, sentyabrda 543 min barrel, oktyabrda 547,2 min barrel göstərilib.
Beynəlxalq razılaşma noyabr və dekabr ayları üçün hasilat normasını 684 min barrel müəyyən edib.
