Alqış Həsənoğlu əməkdar jurnalist adı aldı
“Yeni Azərbaycan” qəzetinin baş redaktoru Alqış Həsənoğlu (Musayev) əməkdar jurnalist fəxri adı alıb. Prezident İlham Əliyev sərəncamı noyabrın 30-da imzalayıb.
Novator.az bildirir ki, 1969-cu il təvəllüdlü Alqış Həsənoğlu Bakı Dövlət Universitetini bitirib, filologiya elmləri namizədidir. 2003-2005-ci illərdə Milli Məclisin deputatı olub.
1993-cü ildən “Yeni Azərbaycan” qəzetində çalışıb, 1997-2008-ci illərdə baş redaktor postunu tutub, 2021-ci il sentyabrın 10-da yenidən həmin vəzifəyə təyin edilib.
1993-cü ildən çıxan “Yeni Azərbaycan” qəzeti prezident İlham Əliyevin sədrlik etdiyi Yeni Azərbaycan Partiyasının orqanıdır.
