Bank statistikası
Mərkəzi Bank yeni hesabatlar yayıb. Novator.az bildirir ki, statistikaya görə, 2022-ci il noyabrın 1-nə ölkədə 19 milyard 470,8 milyon manat kredit, 11 milyard 500 milyon manat əmanət rəsmiləşib.
2022-ci il 16 milyard 659,1 milyon manat kredit, 9 milyard 241,5 milyon manat əmanətlə başlamışdı.
Rəsmi məlumata əsasən, 646 milyon manat problemli kredit qeydə alınıb. İlin əvvəlindəki göstərici 719,4 milyon manat idi.
Bankların cəmi aktivləri 44 milyard 660,7 milyon manat, cəmi öhdəlikləri 39 milyard 230,7 milyon manat göstərilir.
