Naxçıvanın Dövlət Gömrük Komitəsi ləğv edildi
Noyabrın 28-də prezident İlham Əliyev Dövlət Gömrük Komitəsinin strukturunda yeniliyə fərman verib. Sənəd Naxçıvan Muxtar Respublikasının Dövlət Gömrük Komitəsinin ləğvini, Naxçıvan Baş Gömrük İdarəsinin yaradılmasını nəzərdə tutur.
Novator.az bildirir ki, Dövlət Gömrük Komitəsinin strukturuna Aparat, ərazi gömrük idarələri, ixtisaslaşdırılmış gömrük idarələri və digər qurumlar daxildir.
1992-ci il yanvarın 30-da yaradılan Gömrük Komitəsinə bu şəxslər sədrlik edib: Maqsud Məmmədov, Tofiq Kərimov, İbrahim Vəliyev, Tahir Əliyev, Kəmaləddin Heydərov, Aydın Əliyev, Səfər Mehdiyev.
2022-ci il iyulun 18-də prezident sərəncamı ilə Dövlət Gömrük Komitəsi sədrinin birinci müavini təyin edilən Şahin Bağırova sədr vəzifəsinin müvəqqəti icrası həvalə olunub.
