Bakıda beynəlxalq konfrans
Noyabrın 25-i Bakıda, ADA Universitetində “Orta Dəhliz boyunca: geopolitika, təhlükəsizlik və iqtisadiyyat” mövzulu beynəlxalq konfrans başlayıb. AZƏRTAC xəbər verir ki, açılışında prezident İlham Əliyevin də iştirak etdiyi konfransda Orta Dəhlizin təhlükəsizlik aspektləri, regionun iqtisadi imkanları müzakirə olunur.
Tədbirə qatılanlar arasında ABŞ, Kanada, Böyük Britaniya, Fransa, İtaliya, İsveçrə, Belçika, Polşa, Bolqarıstan, Rumıniya, İsrail, Misir, Pakistan, Gürcüstan, Rusiya və Türkiyənin aparıcı beyin mərkəzlərinin rəhbərləri və nümayəndələri var.
