Gürcüstan: 360 min pensiyaçı kredit ödəyir
Gürcüstanda 360 min pensiyaçı kredit yükü çəkir. Novator.az-ın məlumatına görə, pensiya ödənişlərinə məsul “Liberty Bank” belə hesabat yayıb.
Ölkədə 800 min nəfərə yaxın pensiyaçının olduğu, onlara vəsaiti erkən götürüb faizlə qaytarmaq imkanı verildiyi bildirilir.
Pensiya kreditlərinin noyabrın 24-nə olan məbləği 334 milyon lari (209 milyon manat) göstərilir.
Hesabata əsasən, pensiya kreditinin orta məbləği 924 laridir (578 manat). Bu, orta hesabla 3 ay-3 ay yarımlıq pensiya məbləğinə bərabərdir.
2022-ci ilin üçüncü rübündə pensiya kreditləri ortalama 35,4 faizlə təklif olunub.
