10 ölkədən 2,7 milyard manat
Xarici müəssisə və təşkilatlar 2022-ci ilin yanvar-oktyabr aylarında Azərbaycana 2 milyard 731,2 milyon manat sərmayə yatırıb. Novator.az-ın məlumatına görə, hesabatı yayan Dövlət Statistika Komitəsi bildirir ki, həmin vəsaitin 94,2 faizi Böyük Britaniya, ABŞ, İsveçrə, Yaponiya, Türkiyə, Norveç, Rusiya, İran, Hindistan və Fransa sərmayədarlarının payına düşüb.
Ölkənin iqtisadi və sosial sahələrinin inkişafına yönəldilən ümumi kapital 11 milyard 774,5 milyon manat göstərilir. Statistikaya əsasən, sərmayənin 55,9 faizi məhsul istehsalı sahələrini, 37,9 faizi xidmət sahələrini, 6,2 faizi yaşayış evlərinin tikintisini əhatə edib.
