Neçə nəfər 180 manat alır?
Rəsmi statistika 2022-ci il oktyabrın 1-nə 126738 nəfərin yaşa görə aylıq sosial müavinət aldığını göstərir. Müavinətin məbləği 180 manatdır.
Novator.az bildirir ki, hesabata görə, 2022-ci il oktyabrın 1-nə Dövlət Sosial Müdafiə Fondunda 1 milyon 138,7 min nəfər pensiyaçı qeydiyyatda olub.
Azərbaycanda kişilər 65, qadınlar 63 yaşda pensiyaya çıxır. 2027-ci il iyulun 1-dək qadınların da pensiya yaşı 65-ə qalxacaq.
Pensiyaya çıxmaq üçün ya 25 il sığorta stajı, ya da minimum pensiya kapitalı (hazırda 34560 manatdır) tələb olunur. Əks halda pensiya yaşı çatan şəxs yaşa görə müavinət alır.
Əmək pensiyasının minimum məbləği 240 manatdır.
