İsraildə səfirlik, Fələstində təmsilçilik ofisi
Noyabrın 18-də Milli Məclis Azərbaycanın İsraildə səfirlik açması barədə qanun layihəsinə səs verib. Layihəyə görə, səfirlik Tel-Əvivdə yerləşəcək.
Başqa bir qanun layihəsi Fələstinin Ramallah şəhərində təmsilçilik ofisi təsis edilməsini nəzərdə tutur.
Novator.az bildirir ki, 1947-ci ildə BMT Fələstin torpaqlarının bölünməsinə qərar verib. Həmin qərar ərazidə İsrail və Fələstin dövlətlərinin qurulmasını nəzərdə tutub.
1948-ci il may ayının 14-də İsrail müstəqil dövlət elan olunub.
1988-ci ildə Fələstin müstəqil dövlət elan olunub, 2012-ci ildə BMT-də müşahidəçi dövlət statusu alıb.
Azərbaycanla İsrail arasında diplomatik münasibətlər 1992-ci il aprelin 6-da qurulub. İsrailin Azərbaycanda səfirliyi olsa da, Azərbaycanın İsraildə səfirliyi yoxdur.
Azərbaycan Fələstinin müstəqilliyini 1992-ci il aprelin 15-də tanıyıb.
