Dünya çempionatına həsr olunmuş buraxılış
Azərbaycanın aparıcı idman qəzeti “Futbol+”in 2022-ci ilin dünya futbol çempionatına həsr olunmuş xüsusi buraxılışı köşklərə çıxıb.
1997-ci ildən nəşr olunan “Futbol+”ə Mahir Rüstəmli baş redaktorluq edir.
Xüsusi buraxılışda çempionatın təqvimi, iştirakçı komandaların heyətləri, stadionlar, hakimlər təqdim olunur, dünya çempionatlarının tarixindən statistika və başqa materiallar yer alır.
Noyabrın 20-dən dekabrın 18-dək Qətərdə keçiriləcək çempionata qatılan 32 milli komanda 8 qrupa bölünüb. 1/8 finala adlamaq üçün qrupları azı ikinci sırada bitirmək gərəkdir:
A qrupu
Qətər
Ekvador
Seneqal
Niderland
B qrupu
İngiltərə
İran
ABŞ
Uels
C qrupu
Argentina
Səudiyyə Ərəbistanı
Meksika
Polşa
D qrupu
Fransa
Avstraliya
Danimarka
Tunis
E qrupu
İspaniya
Kosta Rika
Almaniya
Yaponiya
F qrupu
Belçika
Kanada
Mərakeş
Xorvatiya
G qrupu
Braziliya
Serbiya
İsveçrə
Kamerun
H qrupu
Portuqaliya
Qana
Uruqvay
Cənubi Koreya.
1930-cu ildən keçirilən dünya çempionatlarında Braziliya 5 dəfə, İtaliya və Almaniya 4 dəfə, Uruqvay, Argentina və Fransa 2 dəfə, İngiltərə və İspaniya 1 dəfə qızıl medallara sahib olub.
