Xarici ticarətin 10 ayı
Dövlət Gömrük Komitəsi xarici ticarət hesabatı yayıb. Novator.az bildirir ki, rəsmi statistikaya görə, 2022-ci ilin yanvar-oktyabr aylarında Azərbaycan 181 ölkə ilə ticarət əməliyyatı aparıb, ixrac 34,7 milyard dolları, idxal 11,5 milyard dolları ötüb, dövlət büdcəsinə ödəniş 4,6 milyard manatı üstələyib.
İxracın 93,1 faizindən çoxu neft-qaz sektorunun payına düşüb, idxalda ən böyük pay maşın, mexanizm, elektrik aparatları, avadanlıqlar və onların hissələrini əhatə edib: 20,06 faiz.
İxracın 3,7 faizindən çoxu MDB ölkələrinə, 67,3 faizindən çoxu Avropa İttifaqı ölkələrinə, 29 faizə yaxını başqa ölkələrə yönəlib, idxalda MDB-nin payı 29,8 faizi, Avropa İttifaqının payı 15,9 faizi, başqa ölkələrin payı 54,1 faizi keçib, ticarət dövriyyəsi və ixrac üzrə əsas tərəfdaş İtaliya, idxal üzrə əsas tərəfdaş Rusiya olub.
