Prezident İlham Əliyev Kino Agentliyinin nizamnaməsini təsdiqləyib (Nizamnamə). Noyabrın 16-da imzalanan fərmana görə, qurumun nizamnamə fondu 100 min manatdır, dövlət büdcəsinin vəsaiti hesabına formalaşır.

Mədəniyyət Nazirliyinə agentliyin strukturunu, əməyin ödənişi fondunu, işçilərinin say həddini və onların əmək haqlarının (vəzifə maaşının, vəzifə maaşına əlavələrin, mükafatların və digər ödənişlərin) məbləğini rəsmiləşdirmək tapşırılıb.

Mədəniyyət Nazirliyinin tabeliyində Kino Agentliyi aprelin 20-də yaradılıb. Publik hüquqi şəxs statuslu agentliyin fəaliyyətinə ümumi rəhbərliyi və nəzarəti Müşahidə Şurası həyata keçirməli, cari rəhbərlik baş direktora həvalə olunmalıdır.