Jurnalistləri müdafiə bəyanatı qəbul edilib
Bir qrup jurnalist, hüquq müdafiəçisi, siyasətçi və ictimai-siyasi fəal bəyanat qəbul edib.
Bəyanatda deyilir ki, Daxili İşlər Nazirliyinin əməkdaşları son vaxtlar siyasi partiyaların, vətəndaşların təşkil etdiyi aksiyalarda jurnalistlərin, reportyorların peşə fəaliyyətinə maneələr yaradır, media təmsilçilərinə fiziki güc tətbiq edir, texnikalara, avadanlıqlara ziyan vururlar.
Obyektiv media yayımçılarının üzvlərinə qarşı təzyiqlərin tək mətbuat nümayəndələrində yox, bütövlükdə cəmiyyətdə təəssüf doğurduğunu vurğulayan bəyanat müəllifləri Daxili İşlər Nazirliyini bu kimi addımlardan çəkinməyə, vətəndaşların ifadə, etiraz azadlığına, həmçinin mətbuat azadlığına əngəl törətməməyə, jurnalistlərin əleyhinə yönəlmiş təxribatların qarşısını almağa, siyasi hakimiyyətin sifarişini yox, qanunvericiliyi icra etməyə çağırırlar.
Bəyanatı Demokratik Qüvvələrin Milli Şurasının sədri Cəmil Həsənli, şuranın üzvü Gültəkin Hacıbəyli, Xalq Cəbhəsi Partiyasının sədri Əli Kərimli, partiya sədrinin müavini Seymur Həzi, Müsavat Partiyasının başqanı Arif Hacılı, partiyanın üzvləri Tofiq Yaqublu, Əziz Məmiyev, Demokratiya və Rifah Partiyasının sədri Qubad İbadoğlu, partiyanın sədr müavini Rüfət Muradlı, siyasətçi Ruslan İzzətli, hüquq müdafiəçiləri Mirvari Qəhrəmanlı, Rüfət Səfərov, Zəfər Əhmədov, Zaur Əkbər, ictimai fəallar Bəxtiyar Hacıyev, Vəli Quliyev, “Nida” Vətəndaş Hərəkatının fəalları Araz Əliyev, Elmir Abbasov, “Demokratiya-1918” Hərəkatının sədri Əhməd Məmmədli, siyasi fəallar Maqsud Əliyev, Rüstəm İsmayılbəyli, Samir Axundzadə, Tələbə Güc Mərkəzinin sədri Fərid İmanov, jurnalistlər Fərid İsmayılov, Şəhla Kərim, Aygün Rəşid, Ülviyyə Şahin və Azad Nurulu imzalayıblar.
