Dövlət Miqrasiya Xidmətinin hesabatına görə, 2022-ci ilin oktyabr ayında miqrasiya qanunvericiliyinin pozulması 2104 qərarın qəbuluna gətirib.

657 qərar cərimə ödəməklə ölkəni tərk etməyi, 530 qərar ölkədə yaşamanın qanuniləşdirilməsini nəzərdə tutub.

281 qərar ölkədən inzibati qaydada çıxarılmaqla cərimə tətbiqini, 569 qərar əcnəbilər və vətəndaşlığı olmayan şəxslərin ölkəyə girişinə məhdudiyyəti rəsmiləşdirib.

Azərbaycanda müvəqqəti və daimi yaşamaq üçün icazə sənədinin itirilməsi üzrə 38, əcnəbilərin və vətəndaşlığı olmayan şəxslərin işə cəlb edilməsi qaydasının pozulması üzrə 18, qeydiyyat qaydalarının pozulması üzrə 11 qərar çıxarılıb.