Albaniya səfəri
Noyabrın 15-də prezident İlham Əliyevin Albaniyaya dövlət səfəri başlayıb. AZƏRTAC xəbər verir ki, paytaxt Tirananın beynəlxalq hava limanında dövlət başçısını Albaniya baş nazirinin müavini, infrastruktur və energetika naziri Belinda Balluku və digər rəsmi şəxslər qarşılayıb.
Rəsmi qarşılanma mərasimi Tiranadakı “Brigades” sarayında keçirilib. Azərbaycan nümayəndə heyəti Albaniya prezidenti Bayram Beqaya, Albaniyanın dövlət və hökumət nümayəndələri İlham Əliyevə təqdim edilib. Ardınca prezidentlərin təkbətək görüşü olub, həmçinin rəsmi lanç əsnasında geniş tərkibdə görüş keçirilib.
