ÜDM 5,2 faiz, investisiya 8,2 faiz artıb
Dövlət Statistika Komitəsi bildirir ki, 2022-ci ilin yanvar-oktyabr aylarında Azərbaycanda 111 milyard manatlıq, ötən ilin eyni dövrü ilə müqayisədə 5,2 faiz çox ümumi daxili məhsul (ÜDM) istehsal olunub.
İqtisadiyyatın neft-qaz sektorunda 2,4 faiz azalmanın, qeyri neft-qaz sektorunda 9,7 faiz yüksəlişin qeydə alındığı xəbər verilir, əhalinin hər nəfərinə düşən ÜDM 11032,8 manat göstərilir.
Başqa bir hesabata görə, yanvar-oktyabr aylarında əsas kapitala 11 milyard 774,5 milyon manat məbləğində, 2021-ci ilin eyni dövrünə nəzərən 8,2 faiz çox vəsait yönəldilib. Neft-qaz sektoruna investisiyaların 13,5 faiz azaldığı, qeyri neft-qaz sektoruna yönəldilən vəsaitin 23,8 faiz artdığı vurğulanır.
