Sloveniyanın seçimi
Sloveniyada prezident seçkisi yekunlaşıb. Noyabrın 13-də keçirilmiş ikinci turda müstəqil namizəd Nataşa Pirts-Musarın 54 faizə yaxın səslə önə çıxdığı bəyan olunub.
Novator.az bildirir ki, 1968-ci il təvəllüdlü Nataşa Pirts-Musar hüquqşünasdır, vəkil və jurnalist kimi tanınıb.
İkinci turda Nataşa Pirts-Musar Demokrat Partiyasının namizədi, sabiq xarici işlər naziri Anje Loqarı məğlub edib.
Oktyabrın 23-də keçirilmiş ilk tura yeddi nəfər qatılmış, Anje Loqar 34 faizə yaxın, Nataşa Pirts-Musar 27 faizə yaxın səslə ikinci tura adlamışdılar.
Parlament respublikası olan Sloveniyada prezident dövlət başçısı sayılır. 2012 və 2017-ci illərdə Borut Pahor prezident seçilib. Onun səlahiyyət müddəti dekabrın 23-də başa çatır.
